یمن میں محصور پاکستانیوں کے اہل خانہ کی وزیرِاعظم سے التجا -
The news is by your side.

Advertisement

یمن میں محصور پاکستانیوں کے اہل خانہ کی وزیرِاعظم سے التجا

اسلام آباد: یمن میں محصور پاکستانیوں کی زندگی ہر گزرتے لمحے کے ساتھ مشکل ہوتی جارہی ہے ، یمن میں پھنسے پاکستانیوں کے اہل خانہ نے وزیرِاعظم نواز شریف سے التجا کی ہے کہ انکے پیاروں کی فوری واپسی کیلئے اقدامات کئے جائیں ۔

ریسکیو آپریشن رکنے کے بعد محصور پاکستانیوں کی امیدیں دم توڑ رہی ہیں، جنگ زدہ ملک میں باغیوں اور حکومتی فورسز کے درمیان شہر شہر جھڑپیں ہورہی ہیں۔

یمنی شہر عدن میں شدید لڑائی جارہی ہے، جہاں سیکڑوں پاکستانی اب بھی محصور ہیں، خواتین اور بچے شدید خوف کا شکار ہیں ، ہر گزرتا لمحہ محصور پاکستانیوں کے لئے نئی مشکلات لارہا ہے، یمن میں محصور پاکستانیوں کے اہلخانہ نے حکومت سے پیاروں کی واپسی یقینی بنانے کی التجا کی۔

چنیوٹ کے رہائشی عثمان غنی اپنے والد کے لئے بے حد پریشان ہیں، عثمان غنی کے والد مینر احمد دس سال سے یمن کے شہر صنعا میں ہیں۔

ان کے بیٹے کا کہنا ہے گزشتہ دنوں فون پر والد سے بات ہوئی تھی، انھوں نے کہا تھا کہ یمن کے حالات بے حد خراب ہے، زندہ رہنا مشکل ہے۔

خانیوال کا سعید احمد بھی یمن میں محصور ہے، سعید احمد گزشتہ پانچ سال سے یمن میں ملازمت کررہا ہے، اہل خانہ کا کہنا ہے کہ تین روز سے سعید احمد سے کوئی رابطہ نہیں ہوا، سعید احمد کی والدہ ، بھائی، بیوی اور تین بچے پریشان ہیں۔

Comments

comments

یہ بھی پڑھیں