site
stats
عالمی خبریں

یمن کی صورتحال پرغورکیلئےعرب لیگ کا 2روزہ اجلاس آج ہورہا ہے

مصر: یمن کی صورتحال کے سیاسی حل پر غور کے لئے عرب لیگ کا دو روزہ اجلاس آج ہورہا ہے، جس میں یمن کے صدرہادی بھی شرکت کریں گے، حوثی باغیوں کیخلاف امریکا اور برطانیہ نے بھی سعودی حکومت کو حمایت کا یقین دلایا ہے۔

امریکا اور برطانیہ سمیت کئی ممالک نے یمن میں حوثی باغیوں کیخلاف کارروائی کے دوران سعودی حکومت کو تعاون اور حمایت کا یقین دلایا ہے، امریکی صدربراک اوباما نے سعودی فرمانروا شاہ سلمان سے ٹیلیفونک رابطہ کیا اور یمن میں دیرپا استحکام اور مسئلے کے سیاسی حل کے لئے اقوام متحدہ اورخلیجی تعاون کونس کا تعاون حاصل کرنے پربھی اتفاق کیا گیا۔

برطانوی وزیرِاعظم ڈیوڈ کیمرون نے بھی شاہ سلمان کو یمن میں باغیوں کے خلاف کارروائیوں میں بھرپور سیاسی تعاون اور حمایت کی یقین دہانی کرائی۔

ڈیوڈکیمرون کا کہنا تھا کہ یمن میں صدر ہادی کی حکومت کے تحفظ کے لئے کئے جانے والے اقدامات میں سعودی عرب اور اتحادی ملکوں کا ساتھ دیں گے۔

حوثی باغیوں کے خلاف کارروائیوں میں سعودی عرب کو مصر،ترکی، سوڈان،متحدہ عرب امارات اورسوڈان کی حمایت حاصل ہے جبکہ ایران اورعراق نے حملوں کی مخالفت کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top