The news is by your side.

Advertisement

یورپی سیفٹی ایجنسی نے پی آئی اے کے طیاروں کو سیفٹی رسک قراردیدیا

پیرس: یورپی سیفٹی ایجنسی نے پیرس سے اسلام آباد آنے والے قومی ایئرلائن کے طیارے کو پرواز سے روک دیا، نوز وہیل کی خرابی سےجہاز کا عملہ لاعلم رہا، پاکستان کو بین الاقوامی قوانین پر عملدرآمد یقینی بنانے کی ہدایت کر دی ہیں ۔

یورپی سیفٹی ایجنسی نے پی آئی اے کے طیاروں کو سیفٹی رسک قرار د ے دیا۔ پیرس سے اسلام آباد آنیوالی پی آئی اے کی پرواز پی کے سیون فائیو زیرو پر یورپی سیفٹی اتھارٹی نے طیارے کو سیفٹی رسک قرار دیتے ہوئے طیارے کو اڑان بھرنے سے روک لیا ۔

ذرائع کے مطابق بوئنگ طیارے ٹرپل سیون کے نوز وہیل میں خرابی اور کپتان کی لاعلمی پر مسافروں اور پرواز کی سیفٹی کے لئے مسافر طیارے کو پرواز کی اجازت دینے سے انکارکیا تھا۔

پی آئی اے انتظامیہ کی جانب سے فرنٹ وہیل اور پرزہ جات کی تبدیلی اور مستقبل میں احتیاط کی تحریری یقین دہانی کے بعد یورپی سیفٹی ایجنسی نے طیارے کو تین گھنٹے کی تاخیر کے بعد پرواز کی اجازت دے دی۔

یورپی ایجنسی کے مطابق پی آئی اے نے آئندہ اپنے طیاروں پر بین الاقوامی سیفٹی قوانین پر عمل درآمد نہیں کیا تو یورپی ممالک میں پروازوں کو روکا جا سکتا ہے۔

Print Friendly, PDF & Email

Comments

comments

یہ بھی پڑھیں