site
stats
عالمی خبریں

یورپ: سورج آگ برسانے لگا، شدید گرمی سے فرانس میں50افراد ہلاک

یورپ: یورپ میں بعض علاقے شدید گرمی کی لپیٹ میں ہیں، شدید گرمی سے فرانس میں پچاس افراد ہلاک ہوگئے۔

کئی ممالک میں پارہ چوالیس سینٹی گریڈ سے بھی اوپر پہنچ گیا ہے، موسم کا حال بتانے والوں کا کہنا ہے کہ افریقا سے آنے والی گرم ہواؤں نے مغربی یورپ میں ڈیرے ڈال دیئے ہیں، جس سے گرمی بڑھ گئی ہے، فرانس میں درجہ حرارت بیالیس ڈگری سینٹی گریڈ کراس کرگیا۔

شدید گرمی نے چار دنوں میں پچاس سے زائد افراد کی جان لےلی، شدید گرمی سے پریشان عوام نے پارکس میں ڈیرے ڈال دیئے ہیں۔

برطانیہ میں بھی گرمی عروج پر ہے، کئی شہروں میں درجہ حرارت پینتس ڈگری تک پہنچ گیا ہے، گرمی کی لہر پھیلنے کے خدشے سے  برطانیہ میں بھی  الرٹ جاری کیا گیا ہے۔

حکام کے مطابق یورپ میں گرمیوں نےتیرہ سال کا ریکارڈ توڑ دیا ہے، اسپین، پرتگال سمیت کئی ممالک میں بھی سورج اپنے تیور دکھا رہا ہے، اسپین کے چالیس سے زائد صوبوں میں گرم موسم کی وارننگ جاری کی گئی ہے۔

یا د رہے کہ سال 2003 میں یورپ میں گرمی کی شدید لہر کے نتیجے میں 70 ہزار افراد ہلاک ہوگئے تھے۔

واضح رہے کہ چند روز قبل کراچی میں گرمی کی لہر سے  1200سے زائد شہری ہلاک ہو گئے تھے جبکہ اس سے قبل بھارت میں بھی شدید گرمی کے نتیجے میں 2000 سے زائد  شہری ہلاک ہوئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top