The news is by your side.

Advertisement

یوسف رضا گیلانی کا بیٹے سے ٹیلیفونک رابطہ

ملتان: سابق وزیراعظم یوسف رضا گیلانی کا اپنے مغوی بیٹے سے ٹیلیفونک رابطہ ہوا ہے، کال افغانستان کے نمبر سے آئی تھی۔

سابق وزیراعظم کے بیٹے علی حیدرگیلانی کو دوسال قبل 9 مئی 2013 کو اغوا کیا گیا تھا جب وہ 2 دن بعد ہونے والے عام انتخابات کی آخری کمپئین کے سلسلے میں حامیوں کےہمراہ ملتان کے مضافاتی علاقے میں موجود تھے۔

سابق وزیر اعظم یوسف رضا گیلانی اس وقت پیر فتح محمد کی رسمِ قل میں شرکت کے لئے جلال پور میں موجود ہیں اور پاکستان تحریک انصاف کے نائب صدر شاہ محمود قریشی بھی ان کے ہمراہ موجود ہیں۔

علی حیدر گیلانی نے تقریباً 6 سے 8 منٹ تک اپنے والد سے گفتگو کی اور انہیں اپنی خیریت سے آگاہ کیا۔

ذرائع کا کہنا ہے کہ علی حیدر گیلانی نے شاہ محمود قریشی سے بھی گفتگو کی۔

سابق وزیر اعظم کے موبائل فون پرآنے والی یہ کال افغانستان کے نمبر سے آئی تھی۔

پنجاب کے مقتول گورنر سلمان تاثیر کےبیٹے شہباز تاثیر کو بھی اسی انداز میں اغوا کیا گیا تھا اور دونوں کے بارے میں خیال کیا جارہا تھا کہ اغوا کارانہیں افغانستان منتقل کرچکے ہیں۔

Comments

comments

یہ بھی پڑھیں