The news is by your side.

Advertisement

یومِ پاکستان پریڈ، یوم پاکستان کیلئے راولپنڈی، اسلام آباد کا ٹریفک پلان جاری

اسلام آباد: یوم پاکستان کی پریڈ کے موقع پر راولپنڈی اور اسلام آباد ٹریفک پولیس نے نیا ٹریفک پلان جاری کردیا، اسلام آباد اور راولپنڈی کے داخلی اور خارجی راستوں پر اضافی نفری تعینات کی گئی ہے۔

یومِ پاکستان منانے کی تیاریاں زوروں پر ہیں، اس دن کی مناسبت سے مختلف پروگرام تیار کئے گئے ہیں، سیکورٹی کے پیشِ نظر راولپنڈی اور اسلام آباد ٹریفک پولیس نے نیا ٹریفک پلان جاری کیا ہے۔

بائیس اور تئیس مارچ کی درمیانی شب سے دن ایک بجے تک فیض آباد، اسلام آباد ایکسپریس وے اور کھنہ پل ہر قسم کی ٹریفک کے لیے بند کردیئے جائیں گے۔

ٹی چوک اور چھبیس نمبر چنگی کے راستے بڑی گاڑیاں داخل نہیں ہوسکیں گی، راولپنڈی اور اسلام آباد میں آنے والے شمس آباد ڈبل روڈ، آئی جے پرنسپل روڈ اور نائنتھ ایونیو استعمال کرسکتے ہیں۔

داخلی اور خارجی راستوں پر اضافی نفری تعینات ہے، ٹریفک پلان کی مشق بیس اور اکیس مارچ کی درمیانی شب سے اکیس مارچ دن ایک بجے تک کی جائے گی۔

Print Friendly, PDF & Email

Comments

comments

یہ بھی پڑھیں