یوم شہداء پرکارکنان بڑی تعداد میں ماڈل ٹائون پہنچیں ، پرویز الٰہی -
The news is by your side.

Advertisement

یوم شہداء پرکارکنان بڑی تعداد میں ماڈل ٹائون پہنچیں ، پرویز الٰہی

لاہور: مسلم لیگ ق کے رہنما چوہدری پرویز الہٰی نے کہا کہ دس اگست کو ماڈل ٹاون میں یوم شہداء کے پروگرام میں مسلم لیگ ق کے کارکن بڑی تعداد میں شریک ہوں گے۔

مسلم لیگ ہاوس لاہور میں پارٹی عہدیداروں کے اجلاس سے خطاب کے بعد میڈیا سے گفتگوکرتے ہوئے انہوں نے کہا کہ انقلاب مارچ ہر صورت ہوگا اور کارکن اپنا سامان اور راشن وافر مقدار میں لے کرآئیں کیونکہ حکومت کے خاتمہ تک ہم اسلام آباد سے نہیں اٹھیں گے،انہوں نے کہا کہ چودہ شہداء کا خون کے ذمہ دار شہباز شریف ہیں اور ملزمان کو ہر صورت کیفرکردار تک پہنچنا ہوگا،چوہدری پرویز الہٰی نے مزید کہا کہ انقلاب مارچ اور آئندہ کے لائحہ عمل کا اعلان دس اگست کو کیاجائے گا۔

Comments

comments

یہ بھی پڑھیں