یوم شہدا میں شرکت کیلئے جانے والے قافلوں پر کریک ڈاؤن -
The news is by your side.

Advertisement

یوم شہدا میں شرکت کیلئے جانے والے قافلوں پر کریک ڈاؤن

پنجاب: مختلف شہروں سے پاکستان عوامی تحریک کے یوم شہدا میں شرکت کے لئے آنے والے قافلوں کو روکنے کا سلسلہ جاری ہے ، کئی مقامات پر ]پولیس کا کارکنوں پر تشدد، گرفتار کارکنوں کو نامعلوم مقام پر منتقل کر دیا گیا ہے۔

پاکستان عوامی تحریک کے کارکنوں کو یوم شہدا میں شرکت کے لیے لاہور آنے سے روکنے کے لیے پنجاب کے مختلف شہروں میں پولیس نے کریک ڈاون کا سلسلہ شروع کر رکھا ہے، گجرانوالہ میں کامونکی ٹول پلازہ پر عوامی تحریک کے کارکنوں اور پولیس میں تصادم سے تین کارکن زخمی ہو گئے۔

گجرانوالہ میں ہی سادھوکی کے قریب چیک پوسٹ پر پولیس نے عوامی تحریک کے قافلے کو روک لیا اور کارکنوں پر تشدد کیا ، جس کے نتیجے میں تین کارکن زخمی ہو گئے، بہاولنگر میں پولیس نے عوامی تحریک کے پندرہ سے زائد کارکنوں کو گرفتار کرکے نامعلوم مقام پر منتقل کردیا گیا ہے۔

راولپنڈی کے مختلف علاقوں سے عوامی تحریک کے بائیس کارکنوں کو گرفتار کر لیا گیا جبکہ مقامی عہدیداروں کے گھروں پر چھاپے بھی مارے جا رہے ہیں۔ شور کوٹ کے قریب عوامی تحریک کے کارکنوں اور پولیس کے درمیان جھڑپوں میں چھ پولیس اہلکار زخمی ہوگئے۔ جھنگ میں پولیس سے جھڑپوں میں عوامی تحریک کے تین کارکنان زخمی ہوئے جبکہ بیس سے زائد کو گرفتار کر لیا گیا۔

دوسری طرف فیصل آباد میں کنٹینر لگانے کے بعد موٹر وے پر گاڑیوں کا داخلہ بند کردیا گیا ہے، فیصل آباد کے انٹر چینج پر پولیس کی بھاری نفری تعینا ت کر دی گئی ہے جبکہ پنجاب کے مختلف شہروں میں پیٹرول کی شدید قلت پیدا ہوگئی ہے۔

Comments

comments

یہ بھی پڑھیں