The news is by your side.

Advertisement

یوم عاشور کے مرکزی جلوس اپنے مقررہ راستوں کیجانب رواں دواں

کراچی : دنیا بھرکی طرح ملک کےمختلف شہروں میں یومِ عاشورعقیدت اور احترام کے ساتھ منایا جارہا ہے،  مخلتف شہروں میں یومِ عاشور کے مرکزی جلوس اپنے مقررہ راستوں سے گذرتے ہوئے منزل کیجانب رواں دواں ہیں۔

یوم عاشور کے موقع پر ملک بھر کے مختلف شہروں میں دس محرم الحرام کے مرکزی جلوس عزاداروں کو اپنے جلو میں لیے اپنے روایتی اور مقررہ راستوں سے گذرتے ہوئے منزل کیجانب گامزن ہیں۔

کراچی میں دس محرم الحرام کا مرکزی جلوس نشترپارک سے برآمد ہوا، پولیس اور رینجرز کی جانب سے سیکیورٹی کو فول پروف بنانے کے اقدامات کئے گئے ہیں، مرکزی جلوس امام بارگاہ حسینہ ارانیاں کھارادر میں اختتام پزیر ہوگا ۔

  جھنگ میں عاشورہ کا مرکزی جلوس امام بارگاہ حسینیہ گوہر شاہ سےبرآمد ہوا، جو اپنی منزل کیجانب رواں دواں ہے، اس موقع پرسیکیورٹی کےسخت انتظامات کیےگئے ہیں۔

رحیم یارخان میں یوم عاشورہ کا مرکزی جلوس امام بارگاہ لنگر حسینی سے برآمد ہوا، مظفرآباد میں دسویں محرم کا مرکزی جلوس امام بارگاہ پیرعلم شاہ بخاری سے برآمد ہوا، بھکر میں مختلف مقامات پر ذو الجناح، تعزیہ اور علم کے جلوس برامد ہوئے جبکہ بڑی تعداد میں لوگ زیارت کے لیئے امام بارگاہوں میں موجود ہیں، بنوں میں دسویں محرم الحرام کے سلسلے میں عزاداروں کا جلوس مرکزی امام بارگاہ حسینیہ سے برآمد ہوا، سخت سیکیورٹی میں جلوس اپنے گزرگاہوں پررواں دواں ہیں۔

حیدرآباد میں یوم عاشور کاجلوس اپنےروایتی راستوں پررواں دواں ہے۔ جلوس میں بچوں اور عورتوں کی بڑی تعداد شامل ہے، تمام جلوسوں کے راستوں پر سیکیورٹی کے سخت انتظامات بھی کیے گئے ہیں۔

Print Friendly, PDF & Email

Comments

comments

یہ بھی پڑھیں