site
stats
پاکستان

یوم پاکستان پریڈ: جڑواں شہروں میں سخت حفاظتی اقدامات

اسلام آباد : یوم پاکستان پریڈ کے موقع پر اسلام آباد میں سیکیورٹی ریڈ الرٹ پریڈ ایونیو کے اطراف میں موبائل سروس معطل رہے گی ۔

یوم پاکستان پریڈ کے موقع پرسیکیورٹی یقینی بنانے کے لئے جڑواں شہروں کوریڈالرٹ کردیا گیا ہے۔ پریڈگراؤنڈ کے چارکلومیٹرکےاحاطےمیں پاک فوج اوررینجرکےدستے گشت کررہے ہیں۔

شہرکےمختلف مقامات پرکلوزسرکٹ کیمرے نصب کئے گئے ہیں۔پریڈ ایونیو جانے والے تمام راستے کنٹینرزلگا کر سیل رہیں گے۔ ٹریفک کومتبادل راستوں پرموڑا گیا ہے۔

شہریوں کو ہرقسم کی پریشانی سے بچانے کے لئے ٹریفک پلان کا خصوصی نقشہ بھی جاری کیا گیا ہے۔ آئی ایس پی آر کے ترجمان کے مطابق صبح چھ سےدوپہردو بجےتک کھنہ پل سےزیروپوائنٹ روڈعام ٹریفک کیلئےبند ہوگا۔

جبکہ لہترارروڈ،راول ڈیم،کشمیرروڈبطورمتبادل استعمال کیےجائیں گے۔ آئی ایس پی آر کا کہنا ہے کہ شہرمیں بھاری ٹریفک کا داخلہ ممنوع ہوگا۔

مختلف علاقوں میں صبح چھ بجے سے سہہ پرتین بجے تک موبائل فون سروس بھی بند رہےگی۔ ہر قسم کی مشکوک سرگرمیوں پر نظر رکھنے کے لئے پاک فوج کا خصوصی کنڑول روم بھی قائم کردیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top