site
stats
عالمی خبریں

یونان:قرض خواہوں کی شرائط منظور یا مسترد کرنے کا فیصلہ عوام کرے گی

یونان: معاشی بحران سے نجات کے لیے قرض خواہوں کی شرائط منظور یا مسترد کرنے کا فیصلہ عوام کرے گی، ریفرنڈم کے حق اور مخالفت میں ریلیاں نکالی گئیں۔

یونان میں کل ہونے والے ریفرنڈم کے حق اور مخالفت میں ریلیاں نکالی گئیں، ایتھنز میں قرض خواہوں کی شرائط کی مخالفت میں ریلی منعقد کی گئی، جس میں عوام کی بڑی تعداد نے شرکت کی، ریلی کے شرکاء سنتگما سکوائر پر جمع ہوئے، جہاں وزیرِاعظم الیکس تسیپراس نے ریلی کے شرکاء سے خطاب کرتے ہوئے زور دیا کہ عوام ریفرنڈم میں قرض خواہوں کی شرائط کو مسترد کر دیں۔

دوسری جانب قرض خواہوں کی شرائط منظور کرنے کے حق میں بھی ریلی نکلی، جس میں شرکاء نے حکومت کے خلاف شدید تنقید کرتے ہوئے کہا کہ معاشی بحران سے نجات کے لیے شرائط قبول کرنا ہی واحد حل ہے۔

اس موقع پر مظاہرین اور پولیس جھڑپیں بھی ہوئیں، پولیس نے لاٹھی چارج اور آنسو گیس کا استعمال کیا، کل ہونے والے ریفرنڈم میں قرض خواہوں کی شرائط مسترد کرنے کی صورت میں یونان کو یورپی یونین سے دستبردار کر دینے کے امکانات واضح ہیں ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top