The news is by your side.

Advertisement

یونان کے عوام نے معاشی بحران کے حل کیلئے بیل آؤٹ پیکج مسترد کردیا

ایتھنز: یونان کےعوام نے معاشی بحران کے حل کیلئے بیل آؤٹ پیکج مسترد کردیا، اکسٹھ فیصد سے زائد یونانی شہریوں نے”نا” کہہ کر سخت مالی شرائط ٹھکرادیں، یونانی وزیرِاعظم کا کہنا ہے کہ معاشی بحران سے نکلنے کی کوششیں جاری رکھیں گے، ریفرنڈم میں عوامی مینڈیٹ یورپ کے خلاف نہیں۔

یونان میں معاشی بیل آؤٹ پیکج کی شرائط کو ریفرنڈم میں عوام نے مسترد کردیا، ریفرنڈم کے نتائج آنے پرعوام نے جشن منایا، یونان کے یورپ میں مستقبل کے یورپی یونین کا اجلاس طلب کرلیا گیا ہے۔

یونان میں معاشی بیل آؤٹ پیکج کیلئےعالمی مالیاتی اداروں کی شرائط ماننے یا نہ ماننے پر ریفرنڈم میں نتائج کے مطابق عوام نے شرائط کو مسترد کردیا، ریفرنڈم میں یونان کے اکسٹھ فیصدعوام نے معاشی بیل آؤٹ پیکج کی شرائط کے خلاف ووٹ دیا۔

یورپی یونین کے رہنماؤں نے متنبہ کیا تھا کہ اگر ریفرنڈم میں بیل آؤٹ پیکج کی شرائط سے انکار کیا جاتا ہے تو یونان یورو زون سے نکل جائے گا، اس سلسلے میں یورپی یونین کا سربراہ اجلاس طلب کر لیا گیا ہے۔

یونان کے وزیرِ خزانہ کا کہنا ہے کہ یورپی یونین کے پاس یونان کو یوروزون سے نکالنے کا کوئی قانونی جواز موجود نہیں ہے جبکہ انھوں نےاعلان کیا کہ ملک میں ایک ہفتے سے بند بینک منگل کو کھول دیے جائیں گے۔

ریفرنڈم کے نتائج آنے کے بعد عوام کی بڑی تعداد نے دارالحکومت ایتھنز کی سڑکوں پر جشن منایا۔

Print Friendly, PDF & Email

Comments

comments

یہ بھی پڑھیں