The news is by your side.

Advertisement

یونان کے وزیرِاعظم ایلکسس سیپراس کوبیل آوٹ پیکیج پر پارلیمنٹ سے منظوری مل گئی

ایتھنز: یونان کے وزیرِاعظم ایلکسس سیپراس کوبیل آوٹ پیکیج پر پارلیمنٹ سے منظوری مل گئی، ووٹنگ سے پہلے پارلیمنٹ کے باہر مخالفین نے پولیس پر پیٹرول بم سے حملہ کیا جس پر پولیس نے جواب میں آنسو گیس کا استعمال کیا۔

یونانی وزیراعظم الیکسس سپراس کو پارلیمنٹ میں یوروزون بیل آوٹ پیکج کے معاملے پر شدید مخالفت کا سامنا کرنا پڑا، سخت بحث ومباحثہ کے بعد بالاخر پارلیمنٹ نے بیل آوٹ پیکیج کی منظوری دے دی۔

حمایت میں دو سو انتیس ووٹ ، مخالفت میں چونسٹھ ووٹ جبکہ چھ ارکان نے رائے شماری میں حصہ نہیں لیا، یونان کے وزیراعظم ایلکسس سیپراس نے اراکینِ پارلیمنٹ سے اپیل کی تھی کہ اگرانہیں حمایت نہیں ملی تو ان کےلئے وزیر اعظم رہنا مشکل ہو جائے گا۔

دوسری جانب بیل آؤٹ پیکج کے مخالفین ووٹنگ سے پہلے یونان کی سڑکوں پر نکل آئے، جس میں یونینز اور ٹریڈ ایسوسی ایشنز ،سول سرونٹس، میونسپل کارپوریشن کے ورکرز اور فارمیسی اونرزسمیت شہریوں کی بڑی تعداد شامل ہے جبکہ پارلیمان کے باہر بیل آؤٹ پیکج کی مخالفت کرنے والوں اور پولیس کے درمیان جھڑپیں ہوئی ہیں۔

مظاہرین نے پولیس پر پیٹرول بم جبکہ پولیس نے ان پرآنسو گیس کے گولے پھینکے۔

Print Friendly, PDF & Email

Comments

comments

یہ بھی پڑھیں