site
stats
کھیل

یونس خان نے انضمام الحق کی سنچریوں کا ریکارڈ توڑدیا

دبئی: یونس خان نے آسٹریلیا کے خلاف دبئی ٹیسٹ کی دوسری سنچری اسکور داغ کر انضمام الحق کی پچیس سنچریوں کا ریکارڈ توڑ دیا، یونس سب سے زیادہ سنچریاں بنانے والے پاکستانی کھلاڑی بن گئے۔

یونس خان پاکستانی بیٹنگ لائن کا اہم ستون بن گئے۔ دبئی ٹیسٹ کی پہلی اننگز میں مرد بحران کا کردار ادا کرنے والے یونس خان نے دوسری اننگز میں بھی کمال کردیا۔

یونس خان نے دوسری اننگز میں ناقابل شکست سنچری داغتے ہوئے سیلکٹرز کو ون ڈے سے باہر کرنے پر کرارا جواب دیا۔ یونس خان نے اپنی فارم کا دوسری اننگز میں بھی بھرپور فائدہ اٹھایا۔

آسٹریلوی بولرز کیلئے یونس خان کو آؤٹ کرنا وبال جان بن گیا۔ کینگروز کیخلاف دوسری اننگز میں سنچری نے یونس کو پاکستانی کی جانب سے سب سے زیادہ سنچری بنانے والا کھلاڑی بھی بنادیا۔

یونس نے انضمام کی پچیس سنچریوں کا ریکارڈ توڑتے ہوئے یہ کارنامہ انجام دیا۔ یونس خان نے ایک سوتین رنز کی اننگز میں پانچ چوکے اور دو فلک شگاف چھکے شامل تھے۔ اس سنچری نے یونس خان کو آسٹریلیا کے خلاف ٹیسٹ کی دونوں اننگز میں سنچری بنانے والا پہلا کھلاڑی بنادیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top