یونس خان چوتھی اننگ میں پانچویں سنچری اسکورکرنے والے پہلے کھلاڑی بن گئے -
The news is by your side.

Advertisement

یونس خان چوتھی اننگ میں پانچویں سنچری اسکورکرنے والے پہلے کھلاڑی بن گئے

پالی کیلے: تیسرے اور فیصلہ کن ٹیسٹ میں یونس خان اور شان مسعود کی شاندار سنچریوں نے ٹیم کو سری لنکا کےخلاف فتح کے انتہائی قریب کردیا ہے۔

میزبان ٹین نے پاکستان کو جیت کے لئے 377 رنز کا ہدف دیا تھا ، پاکستان کی جانب سے اننگ کی ابتدا میں 13 رنز پر دو وکٹیں گرنے کے بعد لگ رہا تھا کہ ٹیم جلد ہی ڈھیر ہوجائے گی لیکن اس کے بعد پارٹنرشپ ایسی جمی کے شان مسعود اور یونس خان 230 رنز تک بغیر کسی وکٹ کے نقصان کے آگئے ہیں۔

شان مسعود کی پانچ ٹیسٹ میچز میں یہ پہلی سنچری ہے اور وہ 114 رنز بنا کرناٹ آؤٹ رہے۔ یونس خان نے جو کہ دوسرے ٹیسٹ میں جو کہ ان کے کیرئیرکا 100واں میچ تھااچھی کارکردگی نہ دینے کا حساب برابرکرتے ہوئے اپنے کیرئر کی 30 ویں سنچری بناتے ہوئے 101رنزبنائے۔

یونس خان نے نہ صرف یہ کہ سنچری بنائی بلکہ ایک انوکھا ریکارڈ بھی بنا بیٹھے وہ چوتھی اننگ میں پانچویں سنچری اسکور کرنے والے دنیا کے پہلے کھلاڑی ہیں۔

پاکستان کو فتح کے لئے آٹھ وکٹوں پر147 رنز درکارہیں اور کل میچ کا آخری دن ہے۔

اگر کل پاکستان فتح یاب ہوتا ہے تو پاکستانی ٹیم سری لنکا کی زمین پر 300 رنز سے زیادہ کے ہدف کا تعاقب کرنے والی پہلی ٹیم بن جائے گی۔

پاکستان نے اس سے قبل سب سے زیادہ کامیاب تعاقب 1994 میں کراچی ٹیسٹ میں آسٹریلیا کے خلاف 314 رنز کا کیا تھا۔

Comments

comments

یہ بھی پڑھیں