یوٹیوب بندش کیس: معلومات تک رسائی کا حق سلب کیا گیا ہے، درخواست گزار -
The news is by your side.

Advertisement

یوٹیوب بندش کیس: معلومات تک رسائی کا حق سلب کیا گیا ہے، درخواست گزار

لاہور: ہائی کورٹ نے یوٹیوب بندش کیس کی سماعت غیر معینہ مدت تک ملتوی کرتے ہوئے درخواست گزارکو سپریم کورٹ سے رجوع کرنے کی ہدایت کردی۔

عدالتی سماعت کے دوران درخواست گزارشیراز ذکاءنے موقف اختیار کیا کہ یوٹیوب کی بندش سے معلومات تک رسائی کا حق سلب کرلیا گیا ہے یو ٹیوب علم حاصل کرنے اورمعلومات تک رسائی کا بڑا فورم تھا جس سے شہریوں کو محروم کیا جا نا قابل افسوس ہے۔ یو ٹیوب کی بندش سے طلباء اور محققوں کے لئے مشکلات بڑھ گئیں ہیں لہذا عدالت یوٹیوب کھولنے کے احکامات صادر کرئے۔

عدالت نے ریمارکس دیتے ہوئے کہا کہ یوٹیوب کیس پرسپریم کورٹ حکمِ امتناعی صادرکرچکی ہےجس کے بعد ہائی کورٹ اس کیس کی سماعت نہیں کرسکتی۔

عدالت نے درخواست گزار کو حکمِ امتناعی ختم کرنے کے لئے سپریم کورٹ سے رجوع کرنے کی ہدائت کرتے ہوئے درخواست کی مزید سماعت غیر معینہ مدت تک ملتوی کردی۔

Comments

comments

یہ بھی پڑھیں