site
stats
حیرت انگیز

یوٹیوب نے جڑواں بہنوں کو ملوادیا

لندن: انائس بورڈیئر اور سمانتھا فٹرمین ہم شکل جڑواں بہنیں ہیں جنہیں ابتدائی دنوں میں ہی دو مختلف خاندانوں نے گود لے لیا تھا اور 25 سال بعد وہ یوٹیوب کے ذریعے دوبارہ مل گئی ہیں۔

دونوں بہنیں ایک دوسرے سے لاعلم تھیں لیکن اس کے باوجود دونوں کے بالوں کے انداز اور پسندیدہ نیل پولش یکساں ہیں جب کہ دونوں کو ابلی ہوئی گاجریں ناپسند ہیں۔ انائس کی پرورش فرانس اور اعلیٰ تعلیم لندن میں ہوئی، اس نے یوٹیوب پر ایک فلم کے ٹریلر میں ایک کردار کو دیکھا جو ہوبہو ان جیسی تھی۔ اس کے بعد معلوم ہوا کہ اس لڑکی کا نام سمانتھا ہے اور امریکہ میں ایک ابھرتی ہوئی اداکارہ ہے۔

http://nwasianweekly.com/wp-content/uploads/2014/33_51/front_twin3.jpg

ایک ماہ کی تلاش کے بعد انائس نے فیس بک پر سمان تھا کو ایک پیغام بھیجا اور دونوں کے درمیان کچھ تصاویر کا تبادلہ ہوا جس سے ان دونوں کی یکسانیت اور واضح ہوئی۔

الگ الگ برِاعظم میں رہنے کے باوجود دونوں ایک جگہ ملیں اور ڈی این اے ٹٰیسٹ کرایا گیا تو وہ حیرت انگیز طور پر مماثل تھا۔

https://s3.amazonaws.com/assets.facebookstories.com/ten-years/twinsters/birthday.jpg

مزید تحقیقات پر معلوم ہوا کہ دونوں 19 نومبر1987 کو کوریا کے شہر سیئول میں پیدا ہوئیں اور انائس کو فرانس بھیج دیا گیا۔ جب کہ سمانتھا کو ایک بے اولاد امریکی جوڑے کے حوالے کردیا گیا۔

بہت کوششوں کے باوجود ان کےحقیقی والدین کا پتا نہیں چل سکا لیکن دونوں بہنیں اب بہت خوش ہیں۔ ان کی زندگی پر ایک دستاویزی فلم اور کئی مضامین تحریر کئے جاچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top