The news is by your side.

Advertisement

نیول چیف ایڈمرل ذکا اللہ کا کریکس ایریاز کا دورہ

کراچی: پاک بحریہ کے سربراہ ایڈمرل محمد ذکاء اللہ نے کہا ہے کہ اگر ہم پر جنگ مسلط کی گئی تو پاک بحریہ پوری قوت سے جوابی کارروائی کرنے کی بھرپور صلاحیت رکھتی ہے۔

پاک بحریہ کے سربراہ ایڈمرل محمد ذکاء اللہ نے کریکس ایریاز میں پاک بحریہ کے اگلے مورچوں کا دورہ کیا اور پاک بحریہ کی آپریشنل تیاریوں کا جائزہ لیا۔

پاک بحریہ کے جوانوں سے بات چیت کے دوران ایڈمرل محمد ذکاء اللہ نے ملک کی سمندری سرحدوں کے تحفظ کی خاطر ان کے جذبے اور عزم کو سراہا اورکہا کہ وہ اس اعتماد اور توقعات پر پورا اترنے کی بھرپور کوشش کریں جس کا اظہار ان کی قوم اپنے محافظوں کے لیے کرتی ہے۔


پاک بحریہ سمندری حدود کی کڑی نگرانی کررہی ہے،کمانڈر بحریہ فلیٹ


ایڈمرل محمد ذکاء اللہ نےکہا کہ امن کے لیے ہماری خواہش کو ہماری کمزوری نہ گردانا جائے اگر ہم پر جنگ مسلط کی گئی تو پاک بحریہ پوری قوت سے جوابی کارروائی کرنے کی بھرپور صلاحیت رکھتی ہے۔

پاک بحریہ کے سربراہ نے جوانوں اور افسران کی آپریشنل کارکردگی اور تیاری کا مشاہدہ کیا۔ پاک بحریہ کے سربراہ نے فلیٹ ہیڈ کوارٹر کا بھی دورہ کیا۔

کمانڈر پاکستان فلیٹ وائس ایڈمرل عارف اللہ حسینی نے انہیں سمندری حدود کی کڑی نگرانی کے لیے کیے جانے والے اقدامات اور آپریشنل معاملات پر بھی بریفنگ دی گئی۔ کمانڈر کوسٹ رئیر ایڈمرل وسیم اکرم بھی ایڈمرل ذکاء اللہ کے ہمراہ تھے۔

Comments

comments

یہ بھی پڑھیں