The news is by your side.

Advertisement

حیدرآباد: سحرش نگرریلوے ٹریک کے قریب 2 دھماکے

حیدرآباد: صوبہ سندھ کے شہر حیدرآباد میں ریلوے ٹریک پر2 دھماکے ہوئے جس کے نتیجے میں اپ اور ڈاؤن ٹریک پرگڑھے پڑگئے۔

تفصیلات کے مطابق حیدرآباد میں سحرش نگر کے علاقے میں ریلوے ٹریک پر 2 دھماکے ہوئے، دھماکوں کے بعد پولیس اوررینجرز کی بھاری نفری جائے وقوع پر پہنچ گئی۔

بم ڈسپوزل اسکواڈ کو طلب کیا گیا جس نے سرچنگ کا کام مکمل ہونے کے بعد ریلوے ٹریک کو کلیئرقرار دے دیا جس کے بعد ریلوے ٹریفک بحال کردی گئی۔

ڈی ایس پی قاسم آباد کے مطابق سحرش نگرریلوے ٹریک کے قریب 2 دھماکے ہوئے لیکن پٹریوں کوکسی قسم کا نقصان نہیں پہنچا۔

بلوچستان کےعلاقے دشت میں ریلوے ٹریک پردھماکہ

خیال رہے کہ رواں ماہ 10 مئی کو کوئٹہ کے علاقے دشت میں ریلوے ٹریک پردھماکے کے بعد ٹرینوں کی آمدورفت روک دی گئی تھی، دھماکے سے ٹریک کا دو فٹ حصہ تباہ ہوگیا تھا۔

بلوچستان میں ریلوے ٹریک پر 2 دھماکے، 6 افراد جاں بحق

یاد رہے کہ 7 اکتوبر 2016 کو بلوچستان کے علاقے مچھ میں ریلوے ٹریک پریکے بعد دیگرے 2 دھماکوں کے نتیجے میں 6 افراد جاں بحق اور 28 افراد زخمی ہوگئے تھے۔ دھماکے میں جعفر ایکسپریس کی دو بوگیوں کو نقصان بھی پہنچا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں