The news is by your side.

Advertisement

بجٹ سے قبل تمام سیاسی جماعتوں کو اعتماد میں لینا ضروری ہے، اسد قیصر

اسلام آباد : اسپیکر قومی اسمبلی اسد قیصر نے بجٹ2020-21 سے متعلق پارلیمانی رہنماؤں سے مشاورت کا فیصلہ کیا ہے اس حوالے سے ان کا کہنا ہے کہ بجٹ سے متعلق سیاسی جماعتوں کو اعتماد میں لینا ضروری سمجھتا ہوں۔

اسلام آباد میں میڈیا سے گفتگو کرتے ہوئے ان کا کہنا تھا کہ عوام کو ریلیف اور بجٹ کو بروقت پیش کرنا پارلیمنٹ کی ذمے داری ہے، کرونا وائرس کی عالمی وبا کی وجہ سےعوام کو بے پناہ مالی مشکلات کا سامنا ہے۔

اسد قیصر نے کہا کہ پارلیمنٹ اور عوام کو مل کر ملک کو معاشی بحران سے نکالنا ہو گا، بجٹ بروقت پیش کرنے پر تمام سیاسی جماعتوں سے مشاورت کی جائے گی۔

ان کا کہنا تھا کہ کوشش ہے پارلیمان میں عوامی اہمیت کےحامل تمام امورپرکام جاری رہے، کمیٹیوں کے اجلاس کو ویڈیولنک سےجاری رکھنے کا فیصلہ اسی سلسلے کی کڑی ہے۔

 اسپیکر قومی اسمبلی  نے مزید کہاکہ پوری دنیا کو اس وقت کوروناوائرس نےجکڑاہواہے، وبا سے نبرد آزما ہونے کے لیے سب کو قومی یکجہتی کے مظاہرے کی ضرورت ہے، احتیاطی تدابیر پر عمل کرتے ہوئے پارلیمانی ذمےداریوں کو بھی نبھانا ہوگا۔

Comments

یہ بھی پڑھیں