صدر ممنون حسین نے سندھ حکومت کے اقدامات کو قابل تحسین قرار دے دیا -
The news is by your side.

Advertisement

صدر ممنون حسین نے سندھ حکومت کے اقدامات کو قابل تحسین قرار دے دیا

کراچی: صدر ممنون حسین سے گورنر سندھ عشرت العباد خان نے گورنر ہاؤس میں ملاقات کی، جس میں امن وامان اور دہشتگردی خلاف جاری آپریشن پر تبادلہ خیال کیا گیا۔

صدر ممنون حسین نے سندھ کی صوبائی حکومت کے اقدامات کو قابل تحسین قرار دے دیا، صدر ممنون سے گورنر سندھ عشرت العباد خان نے گورنر ہاوس میں ملاقات کی، جس میں امن وامان کے قیام، دہشتگرد عناصر کے خلاف جاری آپریشن پر تبادلہ خیال کیا گیا۔

صدر ممنون حسین کا کہنا تھا صوبوں کے ترقیاتی منصوبوں کے لئے وفاق ہر ممکن تعاون جاری رکھے گا، انہوں نے کہا کہ وفاق کے تعاون سے جاری میگا پروجیکٹس مقررہ وقت پر مکمل کئے جائیں گے۔

گورنر سندھ کا کہنا تھا کہ صوبائی حکومت تعلیم،صحت کے شعبوں میں نمایاں اقدامات کررہی ہے، امن وامان کی بہتر صورتحال کے بعد ترقیاتی عمل کو مزید تیز کیا جائے گا ۔

اس سے قبل گورنر سندھ اور ڈی جی رینجرز میجر جنرل بلال اکبرکی ملاقات ہوئی، میجر جنرل بلال اکبر نے گورنر سندھ کو صوبہ میں سیکیورٹی کی صورتحال ،یوم آزادی کے موقع پر کئے گئے اقدامات اور جاری آپریشن کے حوالے سے تفصیلی بریفنگ دی۔

13925039_10153863092277951_6562159129125906500_n

Comments

comments

یہ بھی پڑھیں