کراچی کے مختلف علاقوں میں پولیس کی کارروائیاں‘ 9 ملزمان گرفتار -
The news is by your side.

Advertisement

کراچی کے مختلف علاقوں میں پولیس کی کارروائیاں‘ 9 ملزمان گرفتار

کراچی : شہر قائد کے مختلف علاقوں میں پولیس نے کارروائیاں کرتے ہوئے 9 ملزمان کو گرفتار کرکے اسلحہ برآمد کرلیا۔

تفصیلات کے مطابق کلفٹن پولیس نے کارروائی کرتے ہوئے 8 ملزمان کو گرفتار کرکے ان کے قبضے سے اسلحہ، مسروقہ موبائل فونز اور زیورات برآمد کرلیے۔

ایس ایس پی ساؤتھ عمر شاہد نے بتایا کہ ملزمان کو گھر میں ڈکیتی کرتے رنگے ہاتھوں گرفتار کیا گیا، ملزمان 50 سے زائد وارداتوں میں ملوث ہیں۔

دوسری جانب تھانہ عوامی کالونی کی حدود میں پولیس نے مقابلے کے بعد ملزم گرفتار کو گرفتار کرکے اسلحہ برآمد کرلیا۔

ایس ایس پی ساجد سدوزئی کے مطابق ملزم نے شارع فیصل کے پٹرول پمپ پرکیشئرپرفائرنگ کی تھی، گرفتار ملزم آصف کے خلاف ڈکیتی کا مقدمہ درج ہے۔

ادھر رات گئے لانڈھی میں گل احمد چورنگی کے قریب فائرنگ سے زخمی ہونے والا پولیس اہلکار دم توڑ گیا، فائرنگ کا واقعہ جھگڑے کے دوران پیش آیا۔

ایس ایس پی ملیرشیراز نذیر نے بتایا کہ ملزم رحمان کی فائرنگ سے پولیس اہلکاراحمدعلی جاں بحق ہوا، مقتول اہلکار شرافی گوٹھ تھانے میں تعینات تھا۔

کراچی میں پولیس کی ٹارگٹڈ کارروائیاں، 3 ملزمان گرفتار‘ اسلحہ برآمد

واضح رہے کہ کراچی کے مختلف علاقوں میں رات گئے پولیس نے ٹارگٹڈ کارروائیاں کرتے ہوئے تین ملزمان کو گرفتار کرکے اسلحہ برآمد کرلیا۔

Comments

comments

یہ بھی پڑھیں