کراچی : اسٹیٹ بینک نےآئندہ دو ماہ کیلئے مانیٹری پالیسی کا اعلان کردیا۔ نصف فیصد کمی کے بعد بنیادی شرح سود تیرہ سال کی کم ترین سطح پر آگئی ہے۔
اسٹیٹ بینک کے بورڈآف ڈائریکٹرز کے آج ہونے والے اجلاس میں شرح سود میں نصف فیصد کمی کا فیصلہ کیا گیا ہے۔ نصف فیصد کمی کے بعد بنیادی شرح سود آٹھ فیصد ہوگئی ہے جو کہ تیرہ سال کی کم ترین سطح ہے۔
اسٹیٹ بینک کی رپورٹ کے مطابق ملک کے مجموعی معاشی اعشارئیےبہتری کی جانب گامزن ہیں۔ افراط زر کی شرح میں مسلسل کمی ریکارڈ کی جارہی ہے۔
مرکزی بینک کے مطابق رواں مالی سال کے دروان افراط زر کی شر ح چار سے پانچ فیصد تک رہنے کی توقع ہے۔اس کے علاوہ ترسیلات زر میں اضافہ جبکہ جاری کھاتوں کے خسارے میں بھی کمی ہوئی ہے۔
نئی شرح سود کا اطلاق چوبیس مئی سے ہوگا۔
Comments
- Advertisement -
