اسلام آباد : وزیر خزانہ اسحاق ڈار نے کہا ہے کہ دہشت گردی کیخلاف جنگ میں پاکستان کو سو ارب ڈالرز سے زائد کا نقصان ہوا ہے، وزیر خزانہ اسحاق ڈار نے یہ بات آئی ایم ایف کے نئے مشن چیف ہیریلڈ فنگر سے ملاقات کے دوران کہی ۔
انہوں نے کہا کہ پاکستان دہشت گردی کیخلاف جنگ میں پچاس ہزار جانوں کا نذرانہ دے چکا ہے اور اس میں پانچ ہزار فوجی جوان بھی شامل ہیں۔ وزیر خزانہ نے آئی ایم ایف کے چیف مشن کو معاشی ترقی میں حائل مشکلات سے آگاہ کیا۔
آئی ایم ایف کے مشن چیف نے حکومت کی معاشی کارکردگی پر اطمینان کا اظہار کیا ہے اور امید ظاہر کی کہ موجودہ حکومت کے اگلے تین سالوں میں معاشی ترقی میں مزید اضافہ ہوگا۔
اس موقع پر آئی ایم ایف کے ڈائیکٹر مسعود احمد نے کہا کہ حکومت کو ٹیکس نیٹ کا دائرہ کار وسیع کرنے کے علاوہ سرمایہ کاری کو فروغ دینے کے لئے اقدامات کرنا ہونگے۔
Comments
- Advertisement -
