بنوں : آپریشن ضرب عضب سے متاثر ہونے والے آئی ڈی پیز کی امداد کے لئے بنوں میں نمائشی میچ کا اہتمام کیا گیا جس میں کرکٹ اسٹارشاہد آفریدی نے بھی شرکت کی۔
بنوں میں پاکستان آرمی کے زیر اہتمام آئی ڈی پیز کی امداد کےلئے نمائشی میچ کا انعقاد کیا گیا۔ میچ آفریدی الیون اور آرمی الیون کے درمیان کھیلا گیا۔ جسے شاہد آفریدی الیون نےجیت لیا۔
دس دس اوورز پر مشتمل میچ کو دیکھنے کے لئے ہزاروں لوگ میدان میں موجود تھے۔ پاک آرمی کرکٹ ٹیم کی قیادت کرنل اظہر نے کی۔ بوم بوم آفریدی کی گراونڈ میں موجودگی اور نوجوانوں کے ساتھ کرکٹ کھیلنے سے آئی ڈی پیز کے مرجھائے چہروں پر خوشیاں بکھر گئیں ۔
نوجوان کھلاڑی سپر اسٹار کے ساتھ گھل مل گئے اور پر جوش کرکٹ بھی کھیلی۔ میچ میں آفریدی نے اپنی اوپننگ سے شائقین کو محظوظ کیا اور پینتالیس رنز بنانے کے بعد آؤٹ ہو گئے۔
اس موقع پر اے آر وائی نیوز سے خصوصی بات چیت کرتے ہوئے ڈی جی آئی ایس پی آر میجرجنرل عاصم سلیم باجوہ نے کہا کہ قومی ہیروزآئی ڈی پیزکیساتھ کھڑےہوناچاہتےہیں اور بہت سےلوگ آئی ڈی پیزکوعطیات بھی دیناچاہتے ہیں۔
عاصم باجوہ کا مزید کہنا تھا کہ قوم آئی ڈی پیز کے ساتھ کھڑی ہے۔ عوام نے فیصلہ کیا ہے،دہشت گردی کےکینسرسےجان چھڑانی ہے