پشاور: خیبرپختونخوا کے اساتذہ سراپا احتجاج، تین مارچ سے صوبے بھر میں اسکول بند کرنےکااعلان کردیا۔
تفصیلات کے مطابق کے پی کے میں اسکولوں پرحملے،سیکیورٹی کے مسائل ابھی مشکل سے ہی نمٹے تھے کہ مگراب پھر نئے مسائل کھڑے ہوگئے۔
خیبرپختونخواہ کے اساتذہ نے اعلان کیا ہے کہ تین مارچ سے صوبے بھر کے اسکول بند کر دیئے جائیں گے۔ اساتذہ کا کہنا تھا کہ سیکیورٹی کے فرائض بھی ہم سنبھالیں ،پولیو ورکربھی ہم ہی بنیں اوردیگر کئی ذمہ داریاں بھی نبھائیں مگر ہمارے مسائل کسی کونظر نہیں آتے۔
آل ٹیچرزکوآرڈنیشن کونسل کے چیئرمین کا کہنا ہے کہ جب تک اسکیل نہیں بڑھایا جائےگا، اساتذہ ڈیوٹی نہیں دیں گے۔ انہوں نے کہا کہ احتجاجی مظاہروں کا مقصد ٹیچرز کی سروس اسٹرکچر کی حصولی ہے ۔
انہوں نے بتایا کہا کہ حتجاجی تحریک کا پہلا مظاہرہ کے پی کے وزیر اعلیٰ کے ضلع نوشہرہ سے شروع کیا جائیگا۔ آخری احتجاج میں پچیس مارچ کو صوبے کے تما م اساتذہ دھرنا دینگے۔
