اسلام آباد : تحریک انصاف کے رہنما فواد چوہدری کا کہنا ہے کہ اسحاق ڈار کے حلف کے فوراً بعد بانڈ مارکیٹ میں پاکستانی بانڈ کریش کرگئے۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ اسحاق ڈار کے حلف کے فوراً بعد بانڈ مارکیٹ میں پاکستانی بانڈکریش کرگئے، یہ صورتحال تشویشناک ہے،اس سال پاکستان نے 30 بلین ڈالر واپس کرنے ہیں۔
فواد چوہدری کا کہنا تھا کہ آئی ایم ایف ودیگراداروں سے 7 سے 10 ارب ڈالر کا انتظام ہوگا، باقی بانڈ اور مارکیٹ سے لینے ہوتے ہیں ، دن بدن صورتحال خراب ہو رہی ہے۔
اسحق ڈار کے وزارت کے حلف کے فوراً بعد بانڈ مارکیٹ میں پاکستان بانڈکریش کر گئے ہیں،یہ صورتحال تشویشناک ہے،اس سال پاکستان نے 30 بلین ڈالر واپس کرنے ہیں IMF اوردیگراداروں سے 7سے 10ارب ڈالر کا انتظام ہوگا باقی بانڈ اور مارکیٹ سے لینے ہوتے ہیں دن بدن صورتحال خراب سے خراب تر ہو رہی ہے
— Ch Fawad Hussain (@fawadchaudhry) September 29, 2022
یاد رہے گذشتہ روز سینیٹر اسحاق ڈار نے وفاقی وزیر خزانہ کا حلف اٹھایا تھا، صدر مملکت ڈاکٹر عارف علوی نے ان سے حلف لیا۔
