یروشلم: اسرائیلی وزیراعظم بنجمن نیتن یاہو نے ہولو کاسٹ کی یاد میں منائے جانے والے سالانہ دن کے موقع پر ایران کو جرمنی کے ہٹلر سے تشبیہہ دے دی۔
ان کا کہنا تھا کہ ’’جیسے نازی تمام تہذیبوں کو ختم کرکے ایک نسل کو پوری دنیا پرمسلط کرنا چاہتے تھے، اسی طرح ایران پورے خطے پر قبضہ کرکے اسرائیلی ریاست کو تباہ کرنا چاہتا ہے‘‘۔
اسرائیلی وزیر اعظم یروشلم کے یاد واشیم ہولو کاسٹ میموریل سے خطاب کررہے تھے، اسرائیل میں یہ دن 70 سال پہلے نازیوں کی قید سے آٓزادی کی یاد میں منایا جاتا ہے۔
اس موقع پر انہوں نے ایران اور مغربی قوتوں کےدرمیان ہونے والی ممکنہ ڈیل کو تنقید کا نشانہ بناتے ہوئے کہا کہ ایران کا سول نیوکلئر پلان ملٹری پلان کے لئے آڑ کے سوا کچھ نہیں ہے۔
Comments
- Advertisement -