اسلام آباد: وزیراعظم نوازشریف سعودی عرب کے سرکاری دورے پر ریاض روانہ ہوگئے۔ وزیرِاعظم کا کہنا ہے کہ وقت گزرنے کے ساتھ پاکستان اور سعودی عرب کے تعلقات گہرے ہوئے ہیں۔
وزیرِاعظم نوازشریف سرکاری دورے پر سعودی عرب روانہ ہوگئے، وزیرِاعظم کو دورے کی دعوت سعودی فرمانرواشاہ سلمان بن عبدالعزیز نے دی تھی، وزیرِاعظم شاہ سلمان سے ملاقات میں علاقائی اورعالمی امور پر تبادلہ خیال کریں گے۔
وزیراعلیٰ پنجاب شہباز شریف ، وزیرِخزانہ اسحاق ڈار ، طارق فاطمی اور عرفان صدیقی بھی وزیرِاعظم نواز شریف کے ہمراہ ہیں۔
وزیراعظم سعودی عرب میں قیام کے دوران عمرہ ادا کرینگے اور روضہء رسول پر حاضری دینگے۔
سعودی عرب روانگی سے پہلے ایک بیان میں وزیرِاعظم کا کہنا تھا کہ پاکستان اور سعودی عرب میں گہرے مذہبی اور تاریخی تعلقات ہیں۔ وقت کے ساتھ دونوں ملکوں کے تعلقات مضبوط ہوئے ہیں۔
Comments
- Advertisement -
