پیرس: فرانسیسی وزیراعظم مینئول والزنے مسلم کمیونٹی سے خطاب کرتے ہوئے کہا ہے کہ اسلام اوردہشت گردی میں کوئی ربط نہیں ہے۔
فرانسیسی وزیراعظم مینئول والز نے بسنے والی واضح مسلم آبادی سے بہترتعلقات استوارکرنے کے لئے میٹنگز کا سلسلہ شروع کیا ہے جس میں انہوں نے کہا کہ’’ ہمیں یہ ماننا پڑے گا یہ سب اسلام نہیں ہے‘‘۔ انہوں نے مزید کہا کہ اسرائیل اور صیہونیت سے نفرت اوردشمنی کی آڑمیں ہمارے گرد نواح میں موجود خود ساختہ امام اور جیلوں میں موجود قیدی دہشت گردی اورتشدد کو فروغ دیتے ہیں۔
فرانس میں مسلم آبادی کا تناسب یورپ میں سب سے زیادہ ہے جہاں پانچ لاکھ سے زائد مسلمان رہائش پذیرہیں۔ جہادی حملے میں ہونے والی 17 ہلاکتوں کے پانچ ماہ بعد حکومت نے میٹنگ کی ایک سیریزشروع کرنے کا فیصلہ کیا جس میں مسلم کمیونٹی کے اعلیٰ عہدیداران سے ملاقاتیں کی جائیں گی۔
اس سلسلے کے پہلے اجلاس میں حکومت کے اعلیٰ حکام اور ورزاء کے ہمراہ مسلم کمیونٹی کے 120 سے 150 رہنماؤں نے شرکت کریں گے۔
فرانس میں اسوقت ڈھائی ہزار کے نزدیک مسجدیں موجود ہیں اور 300 کی تعمیر جاری ہے۔ کبھی کبھار کسی نئی مسجد کی تعمیر کے موقع پر مقامی آبادی کی جانب سے مخالفت بھی کی جاتی ہے۔
