اسلام آباد: قانون نافذ کرنے والے اداروں نے اسلام آباد کچہری خود کش حملے میں ملوث چار مبینہ دہشتگرد گرفتار کرلیے۔
حساس ادارے کی رپورٹ میں بتایا گیا ہے کہ اسلام آباد ضلع کچہری دہشت گردی واقعے میں ملوث تمام ملزمان گرفتار کرلیا گیا ہے، ملزمان دوہزار تیرہ میں پشاور کچہری حملے کے واقعے کے بھی ذمہ دار تھے۔
رپورٹ کے مطابق ملزمان نے ضلع کچہری لاہور میں بھی دہشتگردی کی منصوبہ بندی کی تھی، دو خود کش حملہ آوروں کو کچہری کی ریکی کرائی گئی اور وہ حملے سے دو روز پہلے اسلام آباد پہنچے تھے،جہاں خود کش جیکٹس عبد الغفور عرف احمد کے حوالے کی گئیں۔
واقعہ سے دو روز قبل جان محمد اور دیگر ملزمان جمرود سے روانہ ہوئے، ملزمان بسم اللہ ،جمروز اور دیگر ساتھی سبزی منڈی تک آئے، خود کش حملہ آور جان محمد کے گھر موجود تھے۔ ملنگ جمعہ نامی اور دیگر ساتھیوں نے وقوعہ سے ایک روز قبل اسلام آباد بھیجا۔
دونوں دہشتگرد گروپ سبزی منڈی میں اکھٹے ہوئے اور واقعے کے روز خود کش حملہ آوروں کو ٹرک کے اندر خود کش جیکٹس پہنائی گئیں، قمر زمان ملنگ اور ایک ساتھی نے دونوں خود کش حملہ آوروں کو کار سے ضلع کچہری پہنچایا۔
