اسلام آباد: اسپیکر قومی اسمبلی نے وزیرِاعطم کی نااہلی کا ریفرنس مسترد کردیا ہے، انکا کہنا ہے کہ پارلیمنٹ کی کارروائی کہیں چیلنج نہیں کی جاسکتی، مقامی ایڈووکیٹ نے اسپیکر کی رولنگ سپریم کورٹ میں چیلنج کردی ہے۔
اسپییکر اسمبلی ایازصادق نے وزیراعظم کی نااہلی کا ریفرنس مسترد کردیا ہے، ریفرنس ایڈووکیٹ اظہر صدیق نے وزیرِاعظم نوازشریف کی پارلیمنٹ میں غلط بیانی پر دائر کیا تھا۔
ایازصادق نے ریمارکس دیئے کہ پارلیمنٹ کی کارروائی کو کہیں چیلنج نہیں کیا جاسکتا، اس لئے وزیرِاعظم کے خلاف ایوان میں کی گئی بات پر ریفرنس دائر نہیں ہوسکتا ۔
اسپیکر نے کہا کہ کوئی عدالت پارلیمانی کارروائی کے خلاف اقدام نہیں کرسکتی، ایڈووکیٹ اظہرصدیق نے اسپیکر کی رولنگ کو سپریم کورٹ میں چیلنج کردیا ہے ۔
Comments
- Advertisement -
