اسلام آباد: تحریکِ انصاف کے چیئرمین عمران خان کا کہنا ہے کہ اس بار ایم کیو ایم کو ڈیڑھ لاکھ ووٹ نہیں پڑیں گے۔
پی ٹی آئی کے سربراہ عمران خان نے جوڈیشل کمیشن کے سامنے پیش ہونے سے قبل میڈیا سے گفتگو میں کہا کہ این اے 246 میں پہلی بار درست انتخابات ہورہے ہیں، اگر رینجرز نہیں ہوتی تو شفاف انتخابات نہیں ہوسکتے تھے، اب لوگوں کی جرت نہیں ہوگی کہ دھاندلی کریں۔
عمران خان نے کہا کہ ایم کیو ایم کم ووٹ پڑنے پر ابھی بھی الزام تراشیاں کررہی ہے، ایم کیو ایم نے ابھی سے بہانے کرنے شروع کردیئے ہیں، اس بار ایم کیو ایم کو ڈیڑھ لاکھ ووٹ نہیں پڑنے والے، جو نتائج آئیں گے اس سے جہموریت مضبوط ہوگی۔
انھوں نے کہا کہ جماعت اسلامی کا مؤقف آیا ہے کہ خوف کی فضاء بنائی جارہی ہے۔
پی ٹی آئی کے سربراہ نے کہا کہ پوری تیاری کے ساتھ جوڈیشل کمشن کے سامنے پیش ہونگے۔
Comments
- Advertisement -
