واشینگٹن: امریکی صدربراک اوباما نے افغانستان میں امریکی فوجی کاروائیاں بڑھانے کی توسیع کردی ہے اور حکم نامے پردستخط بھی کردئیے ہیں۔
غیرملکی خبرایجنسی کے مطابق امریکی فوجیوں کوافغانستان میں دوہزارپندرہ میں براہ راست کارروائیوں کااختیارہوگا۔ امریکی جیٹ طیارے اورڈرونز دہشت گردوں کے خلاف کارروائیوں میں افغان فورسز کو مدد فراہم کریں گے۔ امریکی مشن کی توسیع کے بعد افغانستان میں جاری امریکی فوجی مشن جو دسمبرکی اکتیس تاریخ کو ختم ہونا تھا آئندہ سال بھی جاری رہے گا۔
اس سے قبل امریکا نے افغانستان میں فوجی آپریشن ختم کرنے کا اعلان کیا تھا تاہم پینٹاگون اور دیگرفوجی اداروں سے طویل مشاورت کے بعد صدراوباما نے امریکی فوجی کارروائیوں میں توسیع کی منظوری دے دی ہے۔
Comments
- Advertisement -
