افغان صدر سے مولوی فضل اللہ کی حوالگی پر بات ہوئی،سرتاج عزیز

اسلام آباد: مشیر خارجہ سرتاج عزیز کا کہنا ہے کہ پاکستان نے افغان صدر سے مولوی فضل اللہ کی حوالگی پر بات کی ہے، شمالی وزیرستان میں آپریشن بلاتفریق جاری ہے۔

پاکستان کے مشیر خارجہ نے برطانوی خبررساں ادارے کو انٹرویو میں افغان صدر سے مولوی فضل اللہ کی حوالگی پر بات چیت کا پردہ اٹھایا، سرتاج عزیز کا کہنا ہے کہ آپریشن ضربِ عضب بلا تفریق جاری ہے، دہشت گردوں کا انفراسٹرکچر ختم کردیا ہے، جو بھاگ گئے وہ بھاگ گئے، جو رہ گئے ان کیخلاف آپریشن جاری ہے۔

سرتاج عزیز نے کہا کہ افغان طالبان اور حقانی نیٹ ورک افغانستان کا مسئلہ ہیں، افغان طالبان کو قائل کرنے کی کوشش کریں گے لیکن افغان طالبان سےنوے کی دہائی جیسے تعلقات نہیں۔

سرتاج عزیز کا کہنا تھا کہ امریکا اور پاکستان کےدرمیان اعتماد کی کمی نہیں، امریکا اور پاکستان کے تعلقات بہتر ہورہے ہیں۔

Comments