لندن: ایم کیو ایم کے قائد الطاف حسین گورنر سندھ عشر ت العباد پر برس پڑے، گورنر سندھ سے ہر طرح کی لاتعلقی کا اعلان کر دیا ہے۔
ایم کیوایم کے قائد الطاف حسین کا کہنا تھا کہ گورنر سندھ ڈاکٹر عشرت العباد کا اب ایم کیوایم سے کوئی واسطہ نہیں رہا وہ ایم کیوایم کے نمائندے نہیں ہیں۔
الطاف حسین نے کہا گورنرسندھ کی موجودگی میں کارکنان کا ماروائے عدالت قتل کیا جاتا رہا، کارکنان کو گھروں سے گرفتار کیا جاتا رہا ہے، ان کے گھر بھی چھاپہ مارا گیا لیکن گورنرسندھ نے نہ کوئی مذمت کی اور نہ ہی قانون نافد کرنے والے اداروں کی کارروائی کا نوٹس لیا۔
ایم کیو ایم کے قائد نے کہا کہ گورنر سندھ وفاق اور اسٹیبلشمنٹ کے نمائندے ہیں، ایم کیوایم کے نہیں، میری نظر میں گورنرسندھ کی کوئی اب کوئی حیثیت نہیں، انہوں نے میڈیا سے درخواست کی ہے کہ آئندہ گورنر سندھ ڈاکٹرعشرت العباد کو ایم کیوایم کا نمائندہ نہ کہے۔
