اسلام آباد :ایم کیو ایم کے قائد الطاف حسین نے بڑے پن کا مظاہرہ کرتے ہوئے دھرنے میں شریک خوتین سے معافی مانگ لی ہے ۔
اے آر وائی نیوز کا ملکی سیاسی صورتحال میں ایک اور اہم کردار، ملک میں بڑھتی سیاسی کشیدگی کو بریک لگا دیئے۔اے آر وائی نیوز کی اس دھماکِہ دار خبر کو ملک بھر کے ٹی وی چینلز نے بریکنگ نیو ز کے طور پر نشر کیا۔
اے آر وائی نیوز کے پروگرام آف دی ریکارڈ میں متحدہ قومی مومنٹ کے قائد الطاف حسین نے کہا کہ اگر میرے بیان سے دھرنے میں موجود کسی خواتین کی دل آزاری ہوئی ہے تو دھرنے میں شریک خواتین سے معذرت چاہتا ہوں۔
اے آر وائی نیوز کے اینکر پرسن کاشف عباسی سے گفتگو میں الطاف حسین کا کہناتھا کہ دھرنے میں شریک خواتین ان کی مائیں، بہنیں اور بیٹیاں ہیں اور ان سے دل آزاری ہوئی ہے تو میں ان سے معذرت چاہتا ہوں ۔
الطاف حسین نے کہا کہ ابھی میں نے عمران خان کے خلاف کوئی بیان بازی نہیں کی لیکن اگر انہیں ایسا کرنا پڑا تو عمران خان کو آٹے دال کا بھاﺅ معلوم ہو جائے گا۔
ایک سوال کے جواب میں الطاف حسین نے کہا کہ وہ سانحہ بلدیہ میں ملوث کسی بھی شخص کا نام لینے سے نہیں گھبرائیں گے، الطاف حسین کا کہنا تھا کہ کچھ لوگوں کی کرپشن پر انہوں نے پوری رابطہ کمیٹی کو معطل کر دیا۔
اس موقع دوران پروگرام اے آر وائی نیوز کے اینکر پرسن کاشف عباسی کو تحریک انصاف کی رہنما شیری مزاری کا کاشف عباسی کو پیغام موصول ہوا کہ الطاف حسین میرا نام لے کر معافی مانگے۔
جس پر ایم کیو ایم کے قائد الطاف حسین نے بڑے دل کا مظاہرہ کرتے ہوئے ترجمان تحریک انصاف شیریں مزاری کو مخاطب ہوئے کہا ہے کہ شیری مزاری صاحبہ میں آپ سے بھی معافی مانگتا ہوں ۔
