عدن: القائدہ نے جاسوسی کے الزام میں دو سعودی افراد کو قتل کردیا، ان پرالزام تھا کہ انہوں نے ٹریکنگ ڈیوائس نصب کی تھی جس کی مدد سے امریکی ڈرون حملے میں القائدہ کا گروپ لیڈرمارا گیا تھا۔
برطانوی خبررساں ایجنسی کے ذرائع کے مطابق دونوں افراد نے الیکٹرانک ذریعے سے شدت پسند تنظیم کے کئی افراد کی نشاندہی کی تھی جس کے نتیجے میں القائدہ کمانڈرنصیرالوحشی سمیت کئی دیگرشدت پسند حالیہ مہینوں میں مارے گئے ہیں۔
جاسوسی کے الزام میں قتل ہونے والے سعودیوں کے نام، المُتیری اورالخالدی ہیں، دونوں کو مکولا شہر کے ساحل پر بھے مجمع میں فائرنگ کرکے قتل کیا گیا۔
بعد ازاں دونوں مبینہ جاسوسوں کی لاشوں کو لکڑی کے ایک تختے سے باندھ کر پل پرٹانگ دیا گیا جس کے ساتھ بینر آویزاں تھا جس میں لکھا تھا کہ ’’سعودیوں کی ہدایت پر امریکی جہاز جہادیوں کو نشانہ بنا رہے ہیں‘‘۔
Comments
- Advertisement -
