اسلام آباد: امام کعبہ شیخ خالد الغامدی چھ روزہ دورے پر جمعرات کو پاکستان پہنچ رہے ہیں۔
ترجمان وزارتِ خارجہ کے مطابق امام کعبہ کو دورے کی دعوت حکومت پاکستان نے دی ہے، امام کعبہ اپنے دورے میں فیصل مسجد اسلام آباد میں خطبۂ جمعہ دیں گے اور نماز پڑھائیں گے۔
اس کے علاوہ وہ اجتماعات سے بھی خطاب کریں گے۔
امام کعبہ اپنےدورہ کے دوران سعودی حکومت اور پاکستانی عوام کے درمیان باہمی تعلقات کے فروغ کیلئے اہم کردار ادا کرینگے۔
امام کعبہ صدر مملکت ممنون حسین اور وزیرِمذہبی امور سردار یوسف، مختلف وزراء اور دیگر حکام سے بھی ملاقات کریں گے۔
امام کعبہ کا دورہ انتہائی اہمیت کا حامل ہے، جس میں دو طرفہ تعلقات کو مزید وسعت ملے گی۔
Comments
- Advertisement -
