فلسطین :فلسطینی اتھارٹی کے صدر محمودعباس نے مقبوضہ بیت المقدس میں فلسطینوں کے خلاف اسرائیلی کارروائیاں رکوانے کے لئے امریکا سے مداخلت کی اپیل کی ہے۔
عرب میڈیا کے مطابق امریکی حکام کو لکھے گئے خط میں فلسطینی صدرمحمودعباس نے امریکی حکام پر زور دیا کہ وہ مقبوضہ بیت المقدس میں فلسطینی نوجوانوں پراسرائیلی فورسز کے تشدد کو ختم کرانے کے لئے اپنا اثر رسوخ استعمال کرے۔
انہوں نے کہا کہ مسجد اقصی کے احاطے میں یہودیوں کوعبادت دینے کے اسرائیلی فیصلے سے تشدد میں اضافہ ہوگا۔
دوسری جانب مقبوضہ بیت المقدس میں فلسطینی نوجوانوں اوراسرائیلی سیکورٹی فورسز کےدرمیان جھڑپوں میں متعدد فلسطینی نوجوان زخمی ہوگئے۔
Comments
- Advertisement -
