ٹیکساس : امریکہ نے غیرقانونی تارکین وطن کو ملک میں داخل ہونے سے روکنے کیلئے میکسیکن سرحد پر ایک ہزار نیشنل گارڈ تعینات کرنے کا فیصلہ کیا ہے۔
امریکی ریاست ٹیکساس کے گورنر رک پیری نے نیوز کانفرنس کرتے ہوئے کہا ہے کہ ملک کی سلامتی و استحکام کیلئے امیگریشن قوانین مزید سخت کرنے کی ضرورت ہے ۔
انہوں نے کہا کہ سرحدی کمانڈر جنرل جان نکولس کو ہدایت جاری کردی ہے کہ ایک ہزار نیشنل گارڈ کو سرحد پر تعینات کیا جائے تاکہ غیرقانونی تارکین وطن کی آمد کا سلسلہ رک سکے ۔
امریکی سرحدی فورسز گزشتہ نو ماہ کے دوران ستاون ہزار سے زائد لوگوں کو غیرقانونی طور پر میکسیکو سے امریکہ میں داخل ہونے پر گرفتار کر چکی ہیں۔
Comments
- Advertisement -
