بالٹی مور: امریکی شہربالٹی مورکے میئرنے فسادات کے باعث شہرمیں نافذ کردہ کرفیو کو ختم کرنے کا اعلان کردیا ہے اعلان ہوتے ہی نیشنل گارڈز کے دستوں نے شہرسے نکلنا شروع کردیا ہے۔
میئرسٹیفنی راؤلنگس سے شہرکے دکانداروں اور ریستوران مالکان کی جانب سے درخواست کی جارہی تھی کہ کرفیو کے باعث ان کے کاروبار کو ناقابلِ تلافی نقصان پہنچ رہا ہے۔
میئراسٹیفنی نے اپنے ٹویٹر پیغام میں لکھا کہ’’کرفیو نافذ کرنا کبھی بھی میرا مقصد نہیں رہا ایک دن کے لئے بھی تا آنکہ اس کی اشد ضرورت نہ ہو‘‘۔
Effective immediately, I have rescinded my order instituting a city-wide curfew. I want to thank the people of Baltimore for their patience.
— Mayor Rawlings-Blake (@MayorSRB) May 3, 2015
دوسری جانب مقامی مذہبی رہنماؤں کی اپیل پر سینکڑوں افراد نے سٹی ہال پلازہ کے سامنے احتجاج کیا۔
واضح رہے کہ بالٹی مور کی انتظامیہ نے کرفیو لگانے کا فیصلہ اس وقت کیا جب مظاہرین نے 27 اپریل کوگاڑیوں کو نذرآتش کرنا، دکانوں کولوٹنا اورپولیس افسران پر پھتراؤ کرنا شروع کیا۔
بالٹی مورمیں فسادات کا آغاز25 سالہ نوجوان فریڈی گرے کی پولیس کے مبینہ تشددسے ہلاکت کے سبب ہوا۔
فسادات کے دوران کل 113 پولیس افسر زخمی ہوئے جبکہ 486 مظاہریں گرفتار ہوئے جن میں سے 46 کی گرفتاریاں اتوار کی رات کی گئیں۔
