امریکہ کی پراسرار ایئر بیس ایریا 51‘سے تعلق رکھنے والے ایک سائنسدان نے ایئر بیس پرخلائی مخلوق کی موجودگی کی تصدیق کردی ہے۔
ڈاکٹر بائیڈ بش مین ایریا 51 کے سابق سائنسدان ہیں اور ان کی زندگی خفیہ بیس پر یو ایف او اور خلائی مخلوق سے متعلق رییسرچ میں گزری ہے
ان کا کہنا ہے کہ جس خلائی مخلو ق کو ہم جانتے ہیں اسے دو گروہوں میں تقسیم کیا جاسکتا ہے، یہ بالکل کسی جانوروں کے باڑے کی طرح ہے ،ان میں سے ایک گروہ ’ورینگلر‘ یعنی جانوروں کے رکھوالے ہیں جبکہ دوسرا ’رسٹلر‘ یعنی جانوروں کو چرانے والے۔
ڈاکٹر بش مین کا کہنا ہے کہ اول الذکر جو ہیں ان کا مزاج دوستانہ ہے جب کہ مؤخر الذکر بدنعاش قسم کے ہیں۔
انہوں نے یہ بھی بتایا کہ ان کی عمومی قامت تقریبا پانچ فیٹ ہے اور ان میں سے ایک یا دو کی عمر 230 سال کے لگ بھگ ہے۔
ان کا کہنا ہے کہ ان کی آنکھیں اورناک انسانوں سے جدا ماہیت کی ہیں جبکہ ان کی بھی ہاتھوں اور پیروں میں بھی پانچ پانچ انگلیاں ہیں۔
ڈاکٹر بش میں نے انکشاف کیا کہ سائنس فکشن فلموں کی طرح انکے پاس کوئی غیر مرئی طاقتیں تو نہیں ہیں لیکن وہ ’ٹیلی پیتھی‘نامی مشہور طاقت ضرور رکھتے ہیں۔
ڈاکٹر بائیڈ بش مین نے یہ انٹرویو اپنی وفات سے کچھ عرصہ قبل ایک غیر ملکی ادارے کو دیا تھا جو کہ ٹی وی میڈیا پر آنے والی تمام خبروں اور دلچسپ باتوں کا مشاہدہ کرتا ہے۔