واشنگٹن: امریکی صدر براک اوباما اپنی اہلیہ مشعل اوبامہ کے ہمراہ بھارت کے تین روزہ دورے کے لئے وہائٹ ہاوٗس سے روانہ ہو گئے، قلتِ وقت کے باعث اوبامہ تاج محل کے نظاروں سے لطف اندوز نہیں سکیں گے کیونکہ ان کادورہ اکبر آباد منسوخ کردیا گیا ہے۔
امریکی صدر یومِ جمہوریہ کی تقریب کے مہمانِ خصوصی ہوں گے اوربھارتی وزیراعظم نریندر مودی کےہمراہ بھارتی عوام سے خطاب بھی دورے کا حصہ ہے۔
امریکی سربراہ کے دوے کے موقعے پرہزاروں سکیورٹی اہلکارتعینات کیے گئے ہیں جبکہ سڑکوں کی بندش، جابجاریت کی بوریاں، پندرہ ہزار سکیورٹی کیمرے، کنٹرول روم، تین سوکلومیٹرنوفلائی زون سمیت دیگر بہت سے اقدامات کیے گئے ہیں، سکیورٹی ماہرین کے مطابق بلا شبہ بھارتی تاریخ میں سکیورٹی کے سب سے موثرترین اقدامات ہیں۔
صدراوبامہ کے طیارے نے نئی دہلی میں لینڈ کرنا ہے لیکن شدید دھند کےباعث دارلاحکومت کے ہوائی اڈے پرجہا زوں کی آمد ورفت مو قوف کردی گئی ہے اسی لیے جے پور کے ہوائی اڈے کو اسٹینڈ با ئی کردیا گیا ہے کہ امریکی صدر کی آمد تک اگر دھند نہ چھٹے تو جہاز جے پور میں لینڈ کرایاجاسکے۔