اقوامِ متحدہ: امریکہ نے فلسطینی علاقوں سے اسرائیل کے انخلاء کی قرار داد کو ویٹو کردیا۔
تفصیلات کے مطابق اقوامِ متحدہ کی سلامتی کونسل میں فلسطین اور اسرائیل کے درمیان قیامِ امن اور فلسطینی علاقوں سے اسرائیل کے انخلاء سے متعلق قرارداد پیش کی گئی۔
قرارداد کے مطابق اسرائیل کو بارہ مہینے کے اندر فلسطینیوں سے مستقل امن معاہدہ کرنا تھا اور 2017 تک تمام فلسطینی مقبوضات کو خالی کرنا تھا۔
چین، روس اور فرانس سمیت آٹھ ممالک نے قرار داد کے حق میں فیصلہ دیا جبکہ امریکہ اور آسٹریلیا نے قرارداد کی مخالفت میں فیصلہ سنایا۔ برطانیہ سمیت پانچ دیگر ممالک نے اس معاملے پر خاموشی اختیار کی۔
سلامتی کونسل میں کسی بھی قرارداد کی منظوری کے لئے 15 میں سے نو ارکان کی رضا مندی ضروری ہے۔
Comments
- Advertisement -