کراچی : سندھ میں نئے انتظامی یونٹس کے قیام کے خلاف بیانت پر ایم کیو ایم اور سول سوسائٹی آج کراچی میں کلفٹن کی تین تلوار چورنگی پر احتجاجی مظاہرہ کرے گی۔
سندھ میں نئے انتظامی یونٹ کے قیام کے خلاف سیاسی رہنماؤں کی جانب سے دیئے گئے بیانات پر سول سوسائٹی تین تلوار چورنگی پر آج احتجاجی مظاہرہ کرے گی۔
ایم کیو ایم کی سابق رکن قومی اسمبلی خوش بخت شجاعت نے پریس کانفرنس میں کہا ہے کہ سول سوسائٹی اوراہلیان کراچی انتظامی یونٹ کے خلاف دیئے گئے بیانات کی مذمت کرتے ہیں۔
ان کا کہنا تھا کہ سندھ میں قومیت کی بنیاد پرنہیں بلکہ انتظامی بنیادوں پر نئے یونٹس بنائے جائیں۔
خوش بخت شجاعت کا کہنا تھا کہ دنیا کے کئی ممالک میں تیس، تیس اور چالیس چالیس صوبے ہیں، انہوں نے واضح کیا کہ وہ سیاسی پلٹ فارم سے نہیں بلکہ سول سوسائٹی کے پلٹ فارم سے بات کر رہی ہیں۔
یاد رہے کہ گذشتہ روز متحدہ قومی موومنٹ کے ارکانِ اسمبلی نے پی ٹی آئی رہنماؤں کے بیان پر پارلیمنٹ کےمشترکہ اجلاس سے بائیکاٹ کیا تھا۔
