تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

انقلاب آزادی مارچ ،حکومت کی 2مذاکراتی کمیٹیاں قائم، حتمی ناموں کا فیصلہ آج ہوگا

اسلام آباد: طاہر القادری کا الٹی میٹم اور عمران خان کی سول نافرمانی تحریک کے اعلان کے بعد حکومت نے دونوں رہنماؤں سے مذاکرات کے لئے دو کمیٹیاں قائم کرنے کا اعلان کر دیا ہے۔

حکومت نے دو مذاکراتی کمیٹیاں قائم کرنے کا اعلان کیا ہے، کمیٹیوں میں چوہدری نثار علی خان، احسن اقبال، پیرامین الحسنات، خواجہ سعد رفیق اور عبدالقادر بلوچ کے نام شامل ہیں، وزیراعظم آج ان ناموں میں سے حتمی ناموں کا فیصلہ کریں گے۔

چوہدری نثارکا کہنا ہے کہ طاہرالقادری اور عمران خان کے آئینی مطالبات مانے جا سکتے ہیں جبکہ اہم رہنماء بھی سیاسی تناؤ کم کرنے کےلئے میدان عمل میں سرگرم ہیں، سراج الحق اور چوہدری نثار کے درمیان رابطے نے مصالحت کی نئی کوششوں کا آغاز کردیا ہے،

جماعت اسلامی نے پانچ تجاویز حکومت کو دے دیں ہیں، پیپلزپارٹی بھی جمہوریت کے تحفظ کیلئے کوششوں میں مصروف ہے، رحمان ملک کی قیادت میں پیپلزپارٹی کا وفدایم کیوایم کے مرکز نائن زیرو جائے گا، قومی اسمبلی میں قائد حزب اختلاف خورشید شاہ نے حکومتی اتحادی اور اپوزیشن جماعتوں کے پارلیمانی رہنماؤں کومشاورت کیلئے مدعو کرلیا ہے۔

خورشید شاہ اور سراج الحق کے درمیان اہم نشست میں تجاویز پر غور ہوا، وزیراعظم کے معاون خصوصی عرفان صدیقی طاہرالقادری سے ملاقات کے لئے کوششں کر رہے ہیں، گورنر پنجاب اور الطاف حسین طاہرالقادری کو راضی کرنے کے لئے بیک ڈور کوششیں کررہے ہیں۔

Comments

- Advertisement -