میکون: امریکی ریاست جارجیا میں لوٹ مار کا ایک انوکھا واقعہ پیش آیا جہاں ایک لٹیرا ڈاکٹر سے اس کی قیمتی اشیاء کے ہمراہ پتلون بھی لے گیا۔
امریکہ کے مقامی اخبار کے مطابق ایک شخص ہارمونی میڈیکل سروسز آفس کے دفترمیں داخل ہوا اور ڈاکٹر سے ملنے کی خواہش کا اظہارکیا۔
کاؤنٹی شیرف کے ترجمان کے مطابق نامعلوم شخص نے ڈاکٹر کے دفتر میں داخل ہوکر گن نکال لی اور ڈاکٹر پر تانتے ہوئے نا صرف اس کے بریف کیس کا مطالبہ کیا جس میں ڈاکٹر کا آئی ڈی کارڈ، بٹوا اور نقد رقم موجود تھی بلکہ پتلون بھی اتارنے کا مطالبہ کیا۔
ترجمان کے مطابق لٹیرے نے اپنمی مطلوبہ اشیاء طاقت کے زور پر حاصل کی اور پیدل ہی روانہ ہوگیا۔
قانون نافذ کرنے والے اداروں نے مذکورہ شخص کی تلاش شروع کردی ہے اور امید ظاہر کی جارہی ہے کہ یہ انوکھا لٹیرا جلد سلاخوں کے پیچھے ہوگا۔
Comments
- Advertisement -
