میدان ، انڈونیشیا:ایئرفورس کا مال بردار طیارہ پرواز کے فوراً بعد رہائشی عمارت پرجا گرا جس کے نتیجے میں 20افراد جاں بحق ہوگئے ہیں۔
جائے حادثہ پرموجود عمارتوں کو شدید نقصان پہنچا ہے جبکہ کئی گاڑیاں بھی ہرکولیس سی 130 کے جلتے ہوئے ملبے میں دب کرتباہ ہوگئی ہیں۔
یہ حادثہ جزائر سماترا میں 20 لاکھ کی آبادی والے شہر میدان میں پیش آیا ہے۔
عینی شاہدین کے مطابق طیارہ ایئر پورٹ کی سمت سے آیا اور سیدھا رہائشی عمارت میں جا ٹکرایا۔
اسپتال ذرائع کے مطابق حادثے میں ہلاک ہونے والے 20افراد کی لاشیں اسپتال لائی جاچکی ہیں اور فی الحال یہ کہنا مشکل ہے کہ ان میں سے طیارے کے عملےکے کتنے افراد ہیں اورکتنے افراد کا تعلق رہائشی عمارت سے ہے۔
ایئرفورس ذرائع کے مطابق طیارے کا عملہ کل 12 افراد پرمشتمل تھا۔
Comments
- Advertisement -