کراچی: اورنگی ٹاؤن میں کالعدم تنظیم کیخلاف آپریشن کے دوران رینجرز پر خود کش حملہ کیا گیا ہے۔
تفصیلات کے مطابق اورنگی ٹاؤن کے علاقے فقیر کالونی میں رینجرزکی جانب سے کالعدم تنظیم کیخلاف آپریشن کے دوران خود کش حملہ آور نے خود کو دھماکہ سے اڑا لیا ۔
دھماکہ کے نتیجے میں خودکش حملہ آور سمیت دو دہشت گرد ہلاک ہوگئے۔
رینجرز نے فقیر کالونی میں خفیہ اطلاع ملنے پر ایک مکان کا محاصرہ کیا تھا ، جس کے بعد خود کش دھماکہ کیا گیا
دھماکہ اتنا شدید تھا کہ علاقہ لرز اٹھا، دھماکہ سے قبل رینجرز پر دستی بم سے بھی حملہ کیا گیا،پولیس کی بھاری نفری پہنچ گئی، بم ڈسپوزل اسکواڈ کو طلب کرلیا گیاہے ۔
ذرائع کے مطابق دھماکے کے وقت رینجرز کا سرچ آپریشن جاری تھا۔
رینجرز نے جس مکان میں کارروائی کی دماکہ اسی مکان میں کیا گیا، دھماکہ کے بعد مکان کی چھت بھی اڑ گئی ۔
پولیس اور رینجرز کی مزید نفری کو طلب کر لیا گیا۔
جائے وقوعہ سے میڈیا کو دور رکھا گیا ہے، اور رینجرز نے پورے علاقے کو گھیرے میں لے لیا ہے، جبکہ ہلاک ہونے والوں کی لاشوں کو تا حال وہاں سے ہٹایا نیہیں گیا ہے۔
اطلاعات کے مطابق متعدد افراد کو گرفتار بھی کیا گیا ہے، تاہم اب تک اس کی تفصیلات سامنے نہیں آسکیں۔
تازہ ترین اطلاع کے مطابق دھماکے کے نتیجے میں ایک رینجرز اہلکار بھی زخمی ہوا ہے جسے طبی امداد کیلئے اسپتال پہنچایا گیا ہے۔
ذرائع کے مطابق جائے وقوعہ پر دو مکانوں میں مزید دہشت گرد موجود ہیں، جنکی گرفتاری کیلئے آپریشن تاحال جاری ہے۔
